獎星身壯無疲態 兆文 20/05/2024 昨朝好多周三夜賽參戰馬試跑。「獎星」助手跳兩段，神態昂揚火力充足，馬身喼得壯，毫無疲態。 「勁叻仔」助手跳兩段，今課單跳精神奕奕，上課拍跳夠勁好火。「美麗第一」助手跳兩段，慢試放鬆口勁盡斂，神生步爽，大熟大勇。 「川河動駒」助手跳3段，運步如輪勁力充沛，身色都靚，勇況保持有餘。「架勢奇爸」助手跳兩段，唔再急口專注淡定，毛色烏卒卒，上佳水準。 「上市魅力」助手跳一段，按慢順走聽教聽話，外觀靚到冇得挑剔，狀態托弗。「美麗歡聲」助手跳兩段，步伐穩健力度保持，神采奕奕，依然省鏡。 「新力」助手跳兩段，擔高頭走贏開特別起勁，毛色更靚更悅目。「八駿巨昇」助手跳兩段，走勢硬朗流暢又勁，神態軒昂，銳氣正盛。 「顏色大皇」鍾易禮拍「東來欣賞」助手跳兩段，「顏色大皇」身紮實步爽彈力夠，弗到漏油；「東來欣賞」力度增強有進步。 「赤兔猴王」副練跳兩段，馬身冇瘦毛色靚，充滿活力，走勢急勁，火氣十足。 「浪漫老撾」拍「小刺蛋」跳兩段，同樣助手，「浪漫老撾」上開名但唔算太勁，且毛色可以更靚；「小刺蛋」有點牽強神態平淡，比起弗時有距離。 精英至尊出腳利落 「精英至尊」助手跳兩段，出腳利落彈力又夠，且暗火湧現，確認回勇。「極速之子」助手跳3段，韁口冇咁敏感接受操控，步伐整齊且力度唔差。 「美麗緣分」助手跳兩段，情緒馬試得規矩，上課拍跳一畀即有好反應。「連連有盈」助手跳兩段，平穩走過神態對辦，馬身實淨毛色有光澤。「堅闖」助手跳兩段，慣性有點岳頭，神態回旺，力度提升。